Ek majbut Lokshahi k liye ek
majbut Vipkash ka yogdan bohot anivarya hota hai. Agar koi vipaksh ki aavaj kamjor
ho to use paripurna lokshahi nahi mana jata. Lekin lokshahi ka ek aur pahelu
hota hai : ‘Spasht Bahumati’ (Clear Verdict). Aur isi sandarbh ko lekar chale
to saal 2014 k Electction se ek purn lokshahi ki falshruti hui hai. Lekin aap
vipaksh ki ginati karoge to aapko mushkil se in, meen aur sadhe teen log najar aaege. (I mean AIDMK, TMC &
Congress re!!) Yeh bhi ek lokshahi ki vidambana hi to hai jisme koi ‘Vipaksh k
neta’(Leader of opposition) ka pad bhi lene k adhikari nahi ho paya. But who is
responsible for that? Iska javab practically de ya theoretically, javab hoga :
Desh ka sabse bada vipaksh, CONGRESS. Congress : Ek aisa aitihasik(Historical) sangathan jo aazadi k aandolan se nikala aur
aazadi k baad jisne desh par 60 saal hukumat ki. Lekin yeh Congress party
Nehru-Gandhi parivar k irdgid hi ghumti rahi. Lekin 60 saal desh par ek chakri
Shasan karnewali party Lokshabha election me 10% seats bhi nahi jit paayi.
Suddenly congress national party se ek ‘Multi state party’ party ban kar reh
gayi . 15 rajyo me to congress apna khata tak nahi khol paayi. Kahi visheshgya
(Experts) to is haar ko congress k ant ka aarambh karar chuke hai. Iske baad congress
ne bhi haar ka vishleshan(Analysis) karne k liye ek committee ka gathan kiya.
Aur uski Kaman SRP k vishvashu mane jaane wale A.K. Antonie ko di. (SRP matlab
Sonia, Rahul & Priyanka re! Suna nahi kabhi!) Anyway! Kal hi A.K Antonie
& team ki PM report aayi hai.
Ummid yeh ki jaa rahi thi ki
congress haar se sabak legi. Congress apni galti ka grass root level par
analysis karegi. Aur Sanghthan me bohot jyada badlav dekhne ko milenge. Aur
sabse badi baat : National leadership me kahi na kahi kami thi us baat ko
parliamentary board ki bethak me kehne ki naitik himmat karegi. Lekin jab Antonie committee ki report aayi to
sab ‘lipapoti’ hi najar aayi! Report 17th may ko Delhi me hui
congress ki ‘national parliamentary meeting’ ki tarah scripted hi lagi. Report
ka motive sirf ek hi tha : Sonia &
Rahul ko clean chit dena. 17th may ki bethak me ek scripted drama
hua tha. 16th may ki haar k baad agle din jab meeting hui tab Sonia
& Rahul ne haar ki jimmedari lete hue istipha de diya. Jise parliamentary
board ne namanjur kar diya! Betahak me shamil logo k man k bhitar ho rahi har
ki baukhlahat bhi kuch bolne ki naitik himmat me tabdil nahi ho paayi. Aakhir
sabra ka bandh tutne par tutne par kuch state level k leaders me virodh k sur
uthe. Par unhe barkhastgi (Suspension) hi haath lagi! Lekin virodh ka sur
buland hota dikhay diya to gaaj giri Rahul par. Tab kuch congress k logo ne
Priyanka Vadra ka nam aage lane ki vakalat ki. Ab aap use party k logo ki
Gandhi parivar k prati nishtha kahe ya party me apni jagah banana ki
jaddojahat. Yeh baat to khulkar saamne aati hai ki congress ko kisi problem ka
samadhan bhi najar aata hai to bhi ‘Gandhi Parivar’ k bhitar!
Firse Antonie ki report par aate
hai. A.K. Antonie ne national leadership
and Local leadership k bich talmel (Coordination) me kami ko sabse bada
karan bataya. Dusari taraf Rahul aur Sonia Gandhi ko clean chit di! Yeh kaise
possible hai! Kisi party k sangathan k gathan se lekar MP candidate ka
selection me sabse bada haath party k president aur vice president hota hai.
Agar 2004 and 2009 k jit ka Shrey(Credit) party ki president sahiba ko dete hai
to haar ka local bodies ko kyun! Pure report me ek hi baat jo muje 100% sahi
lagi aur Antonie sa’b ne jo dil se kahi hai woh hai : ‘Minority ki taraf party
ka jyada zukav’! Congress me is baar koi thos mudda laking tha. Unke manifesto
me koi vision nahi dikhay diya. Woh apni policies ko bahar lane se jyada Modi
& team ko counter karne me lagi rahi. Congress k paas ek hi mudda tha :
‘Secularism’!(Waise yeh 1947 se hi congress ka mudda raha hai par 2002 k baad
woh unka favorite ban gaya.) Aur counter
karne k liye bhi ek hi mudda 2002 riots! Congress 2002 k atit ka havala lekar
vote mangati rahi aur master strategist Modi vision 2020 lekar aaye. Aur
congress charo khane chit hui. Lekin sabse jyada koi chij report me chubhi hai to
woh hai haar k liye media aur corporate gharano par dosaropan karna. Agar
congress apni haar ki naitik jimmedari nahi le rahi to yeh congress ka andruni
mamala hai ya fir yeh unki naitikta par depend karta ha. Par media ko uske liye
responsible manna kaha tak jayaj hai! Yeh baat se koi inkar nahi kar sakta ki
aaj technology k yug me media jyada kaddavar aur jyada takatvar ho gaya hai.
Indian media ek ghante me kisi ko zero se hero ya hero se zero bana sakte hai. Lekin
2004 aur 2009 me bhi yahi media tha. Yahi media jab 2002 riots ya anti Modi
reports dikhati hai to congress isse samarthan karti hai. Aur congress k
corruption aur ghotalo ka pardafas karne wali media villain! Media k prati congress
ko bada dil rakh kar apne girebaan me jankna chahie. Antonie report me desh k 3
naami udyogpati ka naam dekhakar dukhad aashcharya hota hai. Antonie committee
ka manana hai ki in corporate firm k black and white donation ki wajah se BJP
majbuti se marketing kar saki. Aur congress k pass kahi rajyo me candidate k
upar kharch karne me paise ki kami thi. Aur ek safed juth : Indian Economic
Reform k ek report anusar election campaign k liye congress ko 435 Cr aur BJP
ko 326 Cr ka donation mila. Aur ab report
ek hashyaspad comment : ‘Adani k jahaj se Narendra Modi ghume! Election
k marketing me 10,000 Cr. Ka kharcha kiya! Ab Modi k jahaj se ghumne se voter
pe iske influence ka kya connection hai!
Aur congress black money ki koi baat hoti to uski nyaayik jaanch kara
sakti thi. Tab congress ki hi satta thi! Aur CBI bhi tab unke pinjare me thi.
(Yeh mera nahi India ki supreme Court ka manna hai(tha)!) Jo chahe jaanch karva
sakte the par woh bayanbaji karte rahe aur alag alag aankdo se desh ko bhramit
karne ki koshish karte rahe. Congress ki kamiyo ka post mortem karne wali report
me congress ki kamiyo ko naa batakar puri report anti Modi kar di gayi aur Modi
ko hero banana wali media ko target kiya gaya. Rahi baat social media ki! To 65
saal k Narendra Modi Social Networking sites par itne active reh sakete hai to
45 saal k Rahul Gandhi kyo nahi! Uske javab me Shriman Manis Tiwariji kehte hai
ki uske liye Ra.Ga. ka twitter account to hona chahie! Woh Feku(narendra
Modi) jaise fake marketing nahi karte
hai. Fekuji k twitter followers aur facebook likes ‘virtual identities’ se IT
lab me create ki jaati hai. Muje aaj tak yeh ‘virtual identities’ ka meaning
nahi samaj me aaya. Kynki IT me mera technical knowledge Aliya Bhatt k GK,
Dhoni ki overseas me captaincy aur Manish Tiwariji k English se bhi kharab hai.
(Sorry for the joke! Actually congress k pravakta (spoke persons) ko sunakr
gussa aa jata hai isilie bich bich me yeh jaruri ho jaata hai!) Aaj congress k
national spoke person Akhilesh Pratap sinh ko hi le lijie : Bole BJP
dhruvikaran(polarization) ki rajneeti karke satta me aaya hai. BJP ka agenda
RSS tay karti hai! Isme bjp kuch react kare use pehle ek aam voter k nate mera
ek hi saval hai : BJP ko vote dene wale 28% voters ko aap non secular mante ho!
Kya congress party k log janta ko
itne murkh samjte hai ki woh media k behkave me aa jaenge. Kya is desh k hindu
itne murkh hai ki unko polarization aur nafrat ki rajneetin samaj me nahi aati.
Aakhir secularism ko define karne wala congress kon hota hai! Kya ‘secularism’
par congress ka ya Nehru Gandhi parivar ka koi copy right hai! Yeh bharat jaise
sabse secular desh ki kamnashibi hi hai jaha apne aap ko ‘hindu’ kehne wale ko
non secular kaha jaata hai. . 60 saal hukumat chalane wali congress ek disha
shunya aur nasht hoti hui party najar aa rahi hai. Ummid karte hai congress
thoda bada dil rakhe, parivartan k liye naitik himmat rakhe aur sakaratmak
rajneeti kare to congress ki dubti hui naiya ko sahara mil sakta hai.Ummid
karte hai ki unki rajneeti Hindu Vs. Mushlim na hokar Hindu-Mushlim Vs Garibi-Bhrastachar
ho! Lekin aisa hona abhi dur ki kaudi najar aati hai. 67 saal development k
liye bohot bada waqt hota hai. Lekin Smart city aur e-governance jaise
vision rakhne wale PM ko Lal Kille se har Ghar me toilet ko agrimta(preference)
dene ki nasihat deni pade to yeh isse bade durbhagya ki baat nahi ho sakti! Ummid
karte hai ki nayi sarkar jativad, prantvad aur dharmavad jaise dushto ko tyag
kar sirf development ki rajneeti kare taki aur oppositions bhi use kuch sikhe
aur healthy competition rahe aur bharat ki is mahan lokshahi ko hum jivit rakh
sake.
Aakhir Ummid pe duniya kayam hai!
Free hit :
Hindu shabda ‘Sindhu’ shabda ka
apbhransh hokar aaya hai. Sindhu Sanskriti duniya ki prachintam sanskriti me se
ek hai. Isi tarah sindhu nadi k aas paas basne wale su-sanskrit logo ko Hindu
kaha gaya. Aur Hindu jaha rehte hai us state(desh) ko ‘Hindustan’ kaha gaya. 18th
century tak desh ka adhikarik(official) naam ‘Hindustan’ hi tha. Par aapko yeh
jaan kar behad aashcharya hoga ki bharat k constitution me Hindustan ka koi
zikra nahi hai. Hindi me desh ka aadhikarik naam ‘Bharat’ aur Angreji me
‘India’ hai. Kehne ka matlab nahi hai ki
‘HINDU’ ka matlab Su-sanskrit (Well Cultured) hota hai. To agar Mohan Bhagvat
ji ne Hindustan me rehne wale ko agar ‘Hindu’ keh diya to kaunsi aafat aan
padi! Congress ne to is desh k secularism ko khatra tak bana diya! India me har
statements ka ek hi subjet k sandarbh me arthghtan hota hai : ‘Political
Arthghatan’
No comments:
Post a Comment